墾丁茶房 (已結業)

肚饿谂住唔洗等就入去，叫左2个汤锅+ 盐酥鸡，2杯无糖豆浆。同一个人送咗两杯豆浆黎，但其中一杯水位相差甚远，就好似俾人饮咗一口唔啱退货.... 即时同个侍应反映，”哗，乜差咁远？好似俾人饮咗啖咁嘅” 唔知佢扮听唔到定真系听紧同事讲嘢，直接无视走咗去。朋友为息事宁人，费事退返去饮品俾人加料，话算数。盐酥鸡送黎即食，唔脆嘅炸粉厚，味道真系一般... 豪大好食过佢... 两个锅，花胶云腿鸡锅系抵食嘅，有成半只鸡，只系汤略嫌咸咗啲，而配搭嘅菜饭无味嘅。另一个胡椒炸蒜姜片鸡柳蚬锅，价钱相若，鸡柳欠奉，只系见到3,4只细蚬，剩低全部姜片同3粒炸蒜... 得胡椒味，性价比低。CS方面，上菜之前，唔小心倒泻浸餐具嘅水杯，侍应听到睇到，都冇理过，继续默默企埋一边。