壹匯中菜廳 (東港城) (已結業)

前个星期见佢有套餐，谂住都可以团年食，到这个星期变阵，价钱贵唔紧要，预左，一年一次，变晒贵价套餐，最平半围近2千，人少少家人食个团年饭，食到咁既价就唔使来这里，贪佢近近地老人家唔使行咁远，唯有点小菜，可惜小菜唔多。红烧忠菇豆腐$98，豆瘸够滑，份量都似样。乳猪硑盘$268，几条肥肥地既乳猪，中间少少鸡胸一只鸡翼，可能系沙姜鸡挂，一条仔(唔知有冇10小粒)烧腩仔㖞，味道冇特别，超市买个烧味饭既𩠌量还少。生炒糯米饭$118，唔知几时炒，糯米含量有限，老人家话冇乜糯米，食左少少唔食。XO蚌片小炒皇$148，料切得好细，蚌粒就一只手数晒，其他有少少细粒虾、小块鱿鱼、小只虾干，味道分布唔平均，唔通冇炒过?凤梨咕噜肉体$138，都系好细粒，粉多过肉，大X活好食过佢。荼钱$15/位加一服务，自己行去收银度埋单。成晚应该有一半吉枱。唔知系咪请左国内高手来主理，除左豆腐，其他样样都好细粒。隔离枱重要食到要大声问候人地娘亲，话落单话有，上上吓菜又话冇，冇理佢地咁多，只求快快食完走人。老人家食得唔多开心，事后要食其他野补镬。唔想食个饭都挂住手机，冇影相，好唔好都系一次啫，冇下次啰。