富東閣海鮮酒家

营业中

休息中

平时间唔中都会黎食小菜，今日两条友试下火锅，$228位，汤底$38，酱料区得沙爹酱、生熟蒜、辣椒粒，基本既芫荽、葱要加$10。点了沙爹汤底，味淡，然后自己去酱料区度攞咗一碗沙爹酱加落去🤣。第一转点咗肥牛、滑牛、猪颈肉、鲩鱼骨腩、蕃茄。黎到真系吓一跳，起码四人份量，想点第二转都有啲果困难，又要人唔好浪费食物，但两个人又比咁大份🙃第二转点皇帝菜、水饺、蕃茄、芋丝、生筋，今次响张点菜纸度写明水饺要四只、其他唔驶比咁多😆幸好执料果位厨房员工系识字既。最后其实肉类系食唔晒，鲩鱼骨腩系伏，最好食系皇帝菜，起码无渣。两个半钟系足够时间，当晚8:30埋单，已经见到啲员工已经开始清场。今晚埋单每人$250，相信呢个价钱响第二度可以食得更好，卫生亦都麻麻，员工木口木面。