影片
更多
2024-12-17
0 浏览
自从OpenRice唔出我呕心沥血嘅负评之后，好耐无喺度写食评，但系今日都要试下喺呢度再试出一篇警世文，*希望出到街。万豪酒店，一向口碑唔错。再加上有上网睇过食评，位于海洋公园嘅万豪JW自助餐都系深受各位嘅欢迎。不过因为book唔到JW𠮶边，就book咗隔离呢间海湾餐厅，相信同一集团，应该唔会太伏。 订位嘅时候已经睇过晒食评，知道食物选择少，但系当中都有几样signature 嘅嘢嘢食，即系烧龙虾🦞，鲍鱼等，算几吸引，所以同友人倾过，就算选择唔多，但有一两样高质好食嘅嘢都无乜所谓啦。点知原来系个极度恶劣嘅体验。去到嘅时候早咗少少到，搭一左右，接待员就叫我哋6:30先入，都冇乜所谓，就去咗对面嘅威威游乐场俾个小朋友玩吓，返嚟嘅时候6:30 ，可以入座。座位虽然算宽敞，但系一啲都唔好坐。自助餐方面，啲嘢食主要摆喺三个corner第一部份就系喺我哋座位附近嘅一个前菜区？有啲泰式沙律，沙律菜，面包包同埋有个冇乜嘢食嘅面档，另外一个就系喺餐厅出边(户外)嘅烧烤区同埋热食区，最后就系喺墙边嘅一个小小甜品corner。可惜因为天气唔好嘅关系，自助餐开始咗几分钟就开始落雨，本身出边个烧烤区的员工都无谂
万豪酒店，一向口碑唔错。再加上有上网睇过食评，位于海洋公园嘅万豪JW自助餐都系深受各位嘅欢迎。
不过因为book唔到JW𠮶边，就book咗隔离呢间海湾餐厅，相信同一集团，应该唔会太伏。
订位嘅时候已经睇过晒食评，知道食物选择少，但系当中都有几样signature 嘅嘢嘢食，即系烧龙虾🦞，鲍鱼等，算几吸引，所以同友人倾过，就算选择唔多，但有一两样高质好食嘅嘢都无乜所谓啦。
点知原来系个极度恶劣嘅体验。
去到嘅时候早咗少少到，搭一左右，接待员就叫我哋6:30先入，都冇乜所谓，就去咗对面嘅威威游乐场俾个小朋友玩吓，返嚟嘅时候6:30 ，可以入座。座位虽然算宽敞，但系一啲都唔好坐。
自助餐方面，啲嘢食主要摆喺三个corner
第一部份就系喺我哋座位附近嘅一个前菜区？有啲泰式沙律，沙律菜，面包包同埋有个冇乜嘢食嘅面档，
另外一个就系喺餐厅出边(户外)嘅烧烤区同埋热食区，最后就系喺墙边嘅一个小小甜品corner。
可惜因为天气唔好嘅关系，自助餐开始咗几分钟就开始落雨，本身出边个烧烤区的员工都无谂住郁，
点知雨越落越大，员工们先好狼狈咁样将啲嘢搬返入室内，但系入边嘅位置都唔多，佢哋本身应该都无预会落雨，所以无后备方案。因此有一段时间，烧烤区嘅龙虾鲍鱼大虾等等系唔见咗嘅。
热荤区𠮶啲嘢最后搬咗大门附近，但系啲牌系完全错晒嘅，安排混乱。
去到中段，龙虾开始出现返，但系鲍鱼都系唔系好见影踪，由于都系无位，佢哋就换咗个做法，将啲烧烤类食品喺厨房度做，然后搬返去热荤区隔离有个细枱，由厨师喺度夹俾食客。
食物质素方面，由沙律开始讲起，
大虾沙律唔见有大虾，
木瓜沙律我见到一条条木瓜同埋其他配料系样样嘢分得好清楚，完全冇捞匀，点成为一个沙律？
然后面包又干又硬，净系得牛油，又冇得烘热，完全系劲Hea。
面档，正如一开头咁讲，无咩得拣，两款面：油面同埋金边粉，汤底有两款：鸡汤同蒜汤，配料：虾，鱼蛋，猪肉，肉丸就系咁多
到我最期待烧烤区，亦系佢哋即场烧的龙虾，鲍鱼，大虾，鱼。
第一转去拎龙虾鲍鱼虾𠮶阵，明显系一早烧定，
第一，一啲都唔热，只系微微地有温度，
第二，明显烧过龙，虾同龙虾鲍鱼都劲韧；第二转再拎嘅时候，已经变咗室内嘅版本，即系喺厨房做完再拎出嚟嘅版本，拎咗两个半只龙龙，有一只梅梅哋，另一半又系韧；第三转再俾机会佢，质素明显已经变咗，肉质系完全死实实冇弹性，似系用冻龙虾烧嘅烧龙虾。
鲍鱼，第一转都系劲银，第二转拎都系劲银，然后就见唔到第三转。
虾方面，因为佢烧得太老太韧，拎咗一次就冇再拎。
烧鱼方面，都系见到第一转之后，就见唔到第二转。
烧烤区比较好食嘅，应该就系烧番薯，番薯几甜冇渣，粟米个样好正常。
热荤都系令人几失望嘅，有个比较吸引嘅炒鱿鱼，味道系惹味嘅，但系成盘西兰花炒鱿鱼入边，系一只鱿鱼都冇嘅，后尾换咗炒牛肉，都系得几块牛肉，然后啲牛肉系淋淋烂烂咁样。
然后有个魔鬼鱼热荤，劲腥。
烧鸡翼冇拎，烧牛肉睇个样都已经唔想拎，后尾仲出埋烧猪扒。
主食方面主要有两样：一个系白饭，另外一款系伊面，但系伊面喺搬咗入嚟之后，就已经消失咗。
另外有汤供应嘅，粟米羹，普通。
到甜品区，款式唔多，但系都冇一样特别好食。普遍都系偏甜，可能真系切合返泰式嘅主题，所有嘢都偏甜，有个奶茶挞嘅物体，净系食到甜味，完全冇泰式奶茶嘅味道，紫米露会啱口味啲，冇咁甜，同埋都真系有食到紫米。
鸡蛋仔脆，但系冇蛋味中间亦不烟靭。
雪糕，有Häagen-Dazs提供，一条Häagen-Dazs嘅榛子雪条，士多啤梨雪糕同另外只味，唔记得咗咩味。
最后餐饮方面，除咗一杯水，同自助餐包嘅一杯餐饮外，自助区系冇任何一啲饮品可以提供嘅。咁都唔紧要，我哋一入到去口渴，就想揾职员落咗杯茶茶先，点知个职员好似唔俾我哋落，搞咗一轮，先至俾我哋落嘢饮，嘢饮方面选择都唔多得柠茶柠水咖啡，果汁都冇。
张贴