Italian Tomato Café & Grill (灣景廣場) (已結業)

荃湾西真系冇乜好嘢食，只想平平哋食个tea set chill chill, menu有炸嘢拼盘个样，不过我怕佢唔新鲜林晒，所以唔敢嗌，肉酱意粉set冇相，见佢$62，(+10%)又汤又沙律又意粉又嘢饮，以为好抵，点知一嚟到，原来全部嘢放晒喺一只碟度，个汤放咗上去已经冇咗1/3空间，沙律得一啖😅仲要系林哂嘅，法包靭，个意粉少过半只碟嘅份量，酱偏酸，所以要落芝士粉，不过芝士粉又潮晒😅 呢个set冇相睇真系出事，加埋一都差唔多$70⋯⋯ 灰公道啲讲其实都饱嘅，汤，意粉同奶茶胜在够热，奶茶好够花奶，唔水已经执到。成间气氛冷清清，唉，搞到要写食评发泄😆 唔会再去。