Deer Coffee

营业中

休息中

西贡越开越多文青cafe, 星期日同朋友去开𠮶头，见到有间睇落唔错嘅，就入咗去食。明太子鸡翼餐牌话呢个小食约需20分钟制作，果然系精心制作，鸡翼表皮香脆，入面明太子微辣，非常惹味！白汁蟹肉意粉意粉个汁好香，加埋蟹肉食，唔会好油腻，份量又充足。牛油果蟹肉鼻哥包bagel有烘过，咬落好软身，牛油果蟹肉酱汁口味清新，伴碟沙律菜新鲜，整体感觉好健康。牛角包窝夫雪糕牛角包窝夫外脆内软，加埋伴碟香滑嘅cream以及上面两个云呢拿雪糕，成件事好夹，暖暖哋嘅窝夫配埋冰冻嘅雪糕冰火交融，口感好丰富。热情果梳打冻饮调味唔会好甜，有好多热情果，唔会太多冰，非常易入口。玫瑰咖啡玫瑰咖啡拉花好靓，配埋花瓣打卡一流。咖啡味道浓郁，可以拣Skimmed milk，非常高质。Cafe以鹿为主题，环境舒适，价钱合理，下次有机会会再去。