影片
电话号码
26549995
营业时间
今日营业
09:00 - 18:00
星期一至日
09:00 - 18:00
以上资料只供参考，请与餐厅确认详情
趁重陽假期嚟到西貢放鬆吓，經過市場街比呢間露營風木質色調嘅Cafe吸引到。當時舖頭都比較full，店員好貼心留低我哋電話叫我哋行陣再返嚟。等咗一陣都好快有位。舖頭有室內同戶外嘅座位，戶外座位好開揚，呢個天氣坐出邊都好舒服。仲可以見到好多狗仔經過而呢間餐廳都係pet friendly，見到隔籬枱都有帶狗仔。放假最適合食all day breakfast，咩都可以試啲，沙律配上酸酸甜甜嘅汁，非常開胃。薯餅酥酥脆脆，仲想讚吓個蛋好有蛋香而且好滑。配埋中間嘅生果，味蕾十分滿足。黑松露意粉非常香，仲有好多我最鍾意食嘅菇。食每啖意粉都有黑松露同奶油香味，意粉軟硬適中，亦唔會好油膩。飲品叫咗Hojicha Tea Latte同埋Passion Fruit Soda。Hojicha Tea Latte甜度適中，好香，同埋拉花好靚Passion fruit soda 味道酸酸甜甜好清新，打卡一流喺呢間餐廳嘅體驗非常好，店員個個都好親切友善。食物質素亦都好好，環境令人感到非常放鬆，食飽仲坐低慢慢唞吓，享受吓呢個假期。有機會都想再嚟試埋其他嘢食
继续阅读
舖頭用左大量木系傢具配搭綠色植物，西貢vibe!一入到黎就好有放假既舒適感。最signature當然係大大小小既鹿仔裝飾，仲感受到店主好鍾意同歡迎小動物，刻意留左一大幅牆貼上毛孩們既相片早上黎到叫左兩個brunchSignature All Day Breakfast一碟有齊煙三文魚、炒蘑菇、煙肉、太陽蛋、茄汁豆、鮮果、新鮮沙律菜、牛角包&炸薯餅，欣賞所有熟食都係熱住咁上碟，又有新鮮生果，並非罐頭貨。處理生果咁麻煩，依個唔係好多café咁有心做到，甜甜酸酸既生果balance返咸點，係好好既點綴Egg Benedict配煙三文魚& Parma Ham好多地方食Egg Benedict一係配煙三文魚，一係配Parma Ham，依度一款就有齊！難度係煙三文魚同Parma Ham都係自帶咸味既食材，點樣可以食落唔膩？巧妙之處係控制Hollandaise Sauce既厚度！配埋微煙韌既sour dough toast口感豐富又滿足以上兩個Brunch可以以優惠價(+$2X)加配飲品Hot Latte & Hot Mocha推介Mocha! 飲完之後特登問老闆係咪自家調配朱古力底，一飲就知唔係就咁用糖漿開出黎～啡味同朱古力味平衡得好，兩種味道都清楚飲到！無特別order少甜都覺得甜度適中，唔會搶喉自然光、綠色植物、木系配色、寵物友善～加埋一齊就係好舒服好令人放鬆既環境！
继续阅读
今日假期，心情非常好，熱辣辣嘅晏晝決定入西貢吸收吓陽光，行到去魚類批發市場發現對面有間Café，門面舖咗一層綠色嘅人造草皮，感覺風格幾休閒好岩HolidayMood，就決定入去嘆個冷氣順便食lunch。小店以木質休閒風顏色搭配, 特色椅桌和擺設, 讓客人感受簡約風情。其中一面牆仲貼滿咗好多毛孩嘅相，一問之下原來係寵物Friendly嘅Café！店內雖然面積唔算大，但可以讓客人有舒服嘅環境享用美食。食物款式貴精不貴多，餐牌前後介紹清楚，沒有圖文並茂，但備有英文版本，照顧本地和外國人不同的需要。🔳泰式香辣肉碎金不換煎蛋飯濃郁嘅泰式香辣肉碎鋪滿喺圓形蓋飯上，配上金不換煎蛋，辣味刺激得嚟但唔過份，肉碎嘅鮮嫩質感同煎蛋蛋黃豐富嘅口感相得益彰。每一口都有辣椒嘅香氣和肉香的融合，小小辣多多趣，推薦！🔳白汁蟹肉意粉白汁的質地柔滑Creamy帶有微妙嘅奶香味，搭配蟹肉嘅鮮甜同意粉嘅Al Dente！最喜歡係個意粉嘅囗感。🔳抹茶拿鐵 & 拿鐵咖啡濃郁嘅抹茶味道帶有少少苦澀香氣，同拿鐵嘅香濃奶泡融合得非常好，口感柔順！拿鐵咖啡就啱啲純粹簡潔口味嘅人～ 簡簡單單嘅奶泡同濃濃咖啡嘅經典配搭無得輸！🔳是日蛋糕 - Carrot Cake呢款蛋糕以其濕潤同濃郁嘅紅蘿蔔味道而聞名。蛋糕的質地柔軟，胡蘿蔔嘅天然甜味同香料嘅香氣相得益彰。蛋糕上旁嘅奶油乳酪霜更增添咗一層豐富的口感同奶香味道。呢塊Carrot Cake可以話係成餐lunch嘅一個完美Ending！出奇地好吃！.總括來說，小店位置在西貢都算是方便，食物美味有特色。下次如果朋友帶埋狗狗一齊行西貢，呢間Café係值得過嚟食啲嘢同偈腳休息！
继续阅读
#christine開飯日記平日放假又係周圍搵食嘅好時間🤭，諗住去西貢行吓，就搵咗間chill啲嘅Cafe坐下同朋友吹吓水。見到呢一間餐廳個裝修好有田園風，個感覺令人好放鬆。🌟香煎帶子明太子意粉（$102）我哋就叫咗佢哋lunch set ，佢嘅帶子煎得啱啱好。唔會過熟😍仲好厚肉👍而且佢嘅明太子份量啱啱好🤭好creamy，加埋紫菜食真係一流😍🌟蜜汁雞扒沙律（$92）雞扒煎得好好，外皮好香脆😍而且有甜甜嘅蜜糖香味👍而且呢佢嘅沙律菜都好新鮮嘅。配埋嗰兩款醬一齊食呢一種好fresh嘅感覺🌟Rose Latte（+$22.5）只要叫佢嘅午餐,可以5折配一杯嘢飲。朋友仔就叫咗Rose latte。佢嘅玫瑰味都幾出嘅👍而且個咖啡本身都幾濃郁👍👍🌟Cappuccino(+$22.5)而我就叫咗Cappuccino，奶泡打得非常之綿密😍😍飲落咖啡係偏nutty啲嘅🌟Carrot Cake（+$28）最鍾意食Carrot cake 嘅我點可以唔點，佢嘅Carrot cake真係做得好出色😍本身蛋糕做得唔會太死甜，而且有少少乾果嘅點綴。而且蛋糕體本身做得好濕潤👍有淡淡的肉桂香味❤️真係食到停唔到口呢一間下次去西貢，我一定會再encore佢😍性價比較高，而且座位都好舒服用，員工又好有禮貌👍👍
继续阅读
十月時搵左個平日去西貢行下，搵到依間好chill嘅Cafe，當時仲有好靚嘅萬聖節佈置，我哋叫左兩樣嘢開心share, 小店服務好好，環境好舒服，感恩過左個好悠閒嘅下午🥰香煎帶子明太子意粉帶子超厚肉，明太子好香，加埋啲紫菜絲，好夾好好味😋All Day Breakfast 嚟到西貢嘅Cafe, 咁chill嘅環境點可以唔食All Day Breakfast，佢嘅牛角包可以轉Bagel, 但我鍾意食牛角包所以冇轉到😂 依份All Day Breakfast超豐富，仲有煙肉，磨菇，煙三文魚，茄汁豆，炒蛋，香草腸，沙律菜，生果等，好滿足好開心😍評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺🩺Deer Coffee西貢市場街25號地舖#healingbobo #foodie #hkfoodie #foodiehk #香港 #美食 #SaiKung #西貢 #留港消費 #chill #DeerCoffee
继续阅读
您可能会有兴趣的...