玉桃軒酒家 (鱷魚恤中心)

营业中

休息中

放大假就最钟意周围同屋企人去饮茶。鳄鱼恤中心其实有好多选择，但系唔知点解屋企人成日都会谂起呢间。我个人就钟意去啲潮州酒家饮茶，因为可以食啲打冷嘢。屋企人就比较钟意去啲中式嘅。平日唔爆场，选择就比较少啲。食咗咁多样嘢比较有惊喜嘅系个豉油王炒面，炒得好干身又唔怕肥淋淋。亦都有我最钟意食嘅炸鲜奶，但系而家啲师傅用块面包卷起来炸，唔似得以前会落脆浆，个奶又唔会沟蜜瓜汁落去，不过呢间都算做得唔错。起码识落睇落都系用新鲜油。糯米饭都好软糯。比较逊色少少嘅话就系个叉烧酥虽然个皮做得好好大个馅实在太少喇，个珍珠鸡仲要冇蛋黄嘅添，呢啲都系比较扣分嘅位置。另外如果粒虾饺佢会有少少麻油调味，带番起出虾嘅味道就好啦。烧腩卷都唔错，唔会太肥。