影片
更多
2015-04-16
2957 浏览
今日系复活节假期最后一日，约左姊妹们一行3人去香宫饮茶叹点心。我地一早book左位，入到去服务员放下一杯菊花茶俾我地慢慢叹住睇餐牌，杯菊花茶坚系香菊花味，确系醒神。仲有好香口既腰添，呢个腰果我实在忍唔到口，差不多食左一半 (笑)。我地叫左菠萝叉烧包，焗得干身唔油，最中意上面果层菠萝皮，里面既叉烧馅亦好多，呢个好味，唔错唔错。呢个复活节出既炸鹌鹑蛋乜乜，中间有d芋泥加上一粒鹌鹑蛋，有d似炸芋角咁样，好香，但食一粒够啦，都有d腻啊！鲍汁凤爪，呢个一般般啦，胜在鲍汁够浓，鸡脚都煮得够林同好入味。手拉和牛蒸肠粉，呢个要试，肠粉真系好鬼滑，配合埋和牛，一点都唔腻，感觉好得意。煎鹅肝鸭肉软饼，入面鹅肝鸭肉都唔算多，面层既糯米比较软，唔够烟un, 黑芝麻可加强口感，不过真系煎得好油下啰。带子饺，好清，皮好薄，带子份量都适中，食多2粒都唔会饱，哈哈！响螺饺比带子饺香，我系重口味架啦！惹味既东东我最岩，佢同带子饺一样，皮好薄，蒸饺类做得几好。最后点少得甜品吖，双皮奶得咁细碗？讲真又唔系特别好味好吸引啰，奶味唔算浓，仲有d稀，ok啦！莲子百合日本红豆沙，咁强调日本红豆，的确d红豆好大粒，煲到起左沙又冇话红
今日系复活节假期最后一日，约左姊妹们一行3人去香宫饮茶叹点心。我地一早book左位，入到去服务员放下一杯菊花茶俾我地慢慢叹住睇餐牌，杯菊花茶坚系香菊花味，确系醒神。
仲有好香口既腰添，呢个腰果我实在忍唔到口，差不多食左一半 (笑)。
我地叫左菠萝叉烧包，焗得干身唔油，最中意上面果层菠萝皮，里面既叉烧馅亦好多，呢个好味，唔错唔错。
呢个复活节出既炸鹌鹑蛋乜乜，中间有d芋泥加上一粒鹌鹑蛋，有d似炸芋角咁样，好香，但食一粒够啦，都有d腻啊！
鲍汁凤爪，呢个一般般啦，胜在鲍汁够浓，鸡脚都煮得够林同好入味。
手拉和牛蒸肠粉，呢个要试，肠粉真系好鬼滑，配合埋和牛，一点都唔腻，感觉好得意。
煎鹅肝鸭肉软饼，入面鹅肝鸭肉都唔算多，面层既糯米比较软，唔够烟un, 黑芝麻可加强口感，不过真系煎得好油下啰。
带子饺，好清，皮好薄，带子份量都适中，食多2粒都唔会饱，哈哈！
响螺饺比带子饺香，我系重口味架啦！惹味既东东我最岩，佢同带子饺一样，皮好薄，蒸饺类做得几好。
最后点少得甜品吖，双皮奶得咁细碗？讲真又唔系特别好味好吸引啰，奶味唔算浓，仲有d稀，ok啦！
莲子百合日本红豆沙，咁强调日本红豆，的确d红豆好大粒，煲到起左沙又冇话红豆溶哂，甜度适中，好味。
最后既甜品一定要食，3个之中最好食呢个，金瓜椰子黑糯米，金黄色既南瓜露，加上椰子雪糕，黑糯米就少得可怜，如果多返少少就好了，整个配搭好有惊喜，我好中意啊！
张贴
