孖啡

营业中

休息中

约左朋友打机，当然要揾间静静地又要坐得舒服既楼上cafe，依间之前去过位置都几方便，系正信和对面马路，啱晒行到攰攰地就上去食小小野加打下机轻松下。叫咗个set，黑松露野菌意大利饭连嘢饮，另外再加多$18配埋龙虾汤。龙虾汤，卖相有心思，有个忌廉拉花同香草伴碟，亦都比我想像中大碗。口味浓郁，淡淡既龙虾味，足料！黑松露野菌意大利饭，个饭有好浓郁既忌廉味，湿湿地易入口，粒粒意大利饭有口感，食完够饱肚！另外叫多咗个小食拼盘，有鸡翼、薯角、春卷、炸鱿鱼圈、炸洋葱圈，份量好大碟两个人真系食唔晒。新鲜炸起热辣辣，食乜都好食。价钱都算合理。饮品方面，叫咗杯好特别嘅饮品—节制，颜色系红黄蓝嘅渐变色，好靓。原来系西柚汁沟菠萝汁，有气得来酸酸甜甜好开胃，配埋唔同颜色嘅椰果喺底，够晒吸睛抢眼呀。其他饮品名同卖相都好特别，下次有机会要试下其他。温馨提示！原来繁忙时间每位客人嘅最低消费系需要叫一杯饮品，不论大家有冇叫嘢食，依样大家要留意番！虽然食物款式唔多，但胜在有个地方可以舒舒服服咁打下机，玩下board game。辛苦揾埋自在食，忙碌工作中也要放松下！