The Pantry Cafe

营业中

休息中

餐厅最近喺新都会开咗新分店，以木系为主调，座位阔落，令人感觉舒适。食物方面除咗招牌嘅疏乎厘、汉堡等西式料理之外更加入多款特色薄饼同主食，价格亲民，适合聚餐。前菜有凯撒沙律，配料丰富，五颜六色，有齐烟肉、面包粒、小蕃茄、Parmesan 芝士、罗马生菜，再混合沙律酱汁，整体搭配清新，带咬口，健康又有营养，令人胃口大开。私心推介脆炸鸡胸窝夫，份量十足，一上枱时真系吓亲，上面放上两大块炸至酥脆可口嘅鸡，鸡胸难得唔干柴，而且胜在炸粉够薄，食落都唔觉得油腻、窝夫偏清淡，搭配蜜糖芥茉酱啱啱好。另外有红酒烩牛肉，有大有细，酱汁偏咸，牛肉煮至入味，旁边伴上薯蓉同酸种面包，中西合璧都几特别。主食有奇尊虾肉芝士蒜香意粉，建议趁早食唔系嘅话会变干，面条Q弹几挂汁。