意粉屋 (已結業)

早前知道呢度新开左间意粉屋，终于有机会去食啦。间舖都几大下，环境又阔落，都算坐得几舒服。又可以望下街景。今次叫左个酥皮汤餐。龙虾酥皮汤呢个汤配酥皮真系好正，又几多龙虾肉。将酥皮浸入汤先饮，个感觉都唔错。呢个汤系贵小小，但我觉得系值既。芝士焗肉酱意粉我最钟意面头既芝士，可以拉到好长。肉酱既味又够浓，再有机会想食多次呀。椰林相思好饮，花奶配上椰浆再加埋一球雪糕。真系一杯好正既饮品，而且红豆软硬适中，简直系一绝呀。今餐真系好饱，实有下次既。