Cafe Addict (已結業)

今日陪太子读书，所以攞咗假，下昼就有机会同闺蜜出去小聚一下，拣咗位于佐敦嘅Cafe Addict。餐厅内环境宽敞，装修都好有格调。大家都唔算好肚饿，谂住叫份All Day Breakfast大家share啱啱好，原来呢个玉子烧早餐份量相当丰富。佢嘅面包系采用咗酸种面包，营养价值高好多，而且更健康又好食。日本蛋制玉子烧可以话系佢哋嘅招牌菜之一，啖啖充满蛋香。南瓜薯饼外面脆口得嚟不带半点油腻，而里面嘅南瓜蓉香香甜甜好好味。香草猪肉肠有淡淡的香草同香料味，系属于较弹牙嘅款式。杂菌以牛油同香草混合炒成，所以呢个炒杂菌更香更滑。沙律菜有几款唔同嘅蔬菜，仲可以自由选择芝麻酱或柚子醋，我就选择咗后者，味道更清新更开胃。最近都想养生一下，所以拣咗红燕麦奶昔。材料包括有士多啤梨、蓝莓、红火龙果，加入乳酸梳打同燕麦制成，营养价值相当高，而且味道都吸引。佢另外仲有黄燕麦奶昔同绿燕麦奶昔，都系用上有益健康嘅材料，下次要试埋其他。闺蜜就拣咗维多利亚伯爵茶，成个摆盆都好靓，店员仲会主动加水。茶包味道够香够浓，最适合配上蛋糕。最后我哋都加咗迷你蛋糕3件，每日唔同款式，今日就有柠檬挞、芒果热情果朱古力挞同埋伯爵茶挞，