影片
更多
2011-04-10
24 浏览
大坑系我好中意嘅社区，地点不单止旺中带静，假日到来见唔到外劳野餐踪影，亦听唔到内地游客烦扰嘅声音，可以休闲一番，感觉真系好舒服。在西打兄及HK Epicurus兄介绍下，决定在下午到大坑走访呢间幼稚园，希望可以饮杯咖啡，洗涤心中疲惫...Kindergarten门牌其实都几隐蔽，如果唔细心揾分分钟会走漏眼，其实位置在浣纱街百佳超市对面新村街行入去，左手面就会见到一间红砖小店，门上挂著小猪木牌嘅就系呢间休闲咖啡店。餐厅面积不大，装修简约唔花巧，楼底高高加上木门窗，好有大自然气色。我选坐最大嘅窗边木台位置，一边睇住木刻小餐牌，一边有微风吹怫到店内，感觉非常舒服。可惜店员一句说话令我地晴天霹雳，就系是日无热饮供应，原因不明！去到一间咖啡店无得饮热咖啡，心情有如中空宝一样失落，怪不得台面无放上精致嘅方糖，万分无奈下只好改试冻咖啡及冻朱古力...待餐期间不停为店内嘅小摆设影相，无论系银色松露猪，黑色小夜莺，电灯泡，手织咖啡杯，甚至迷你版美极同辣椒仔，我全部都唔放过乱影一通，不过近期对自己摄影作品极唔满意，总系有点唔多畅顺感觉，希望下次到来可以饮到热咖啡之余，亦可以拍摄一辑心爱嘅照片...先送来冻
Kindergarten门牌其实都几隐蔽，如果唔细心揾分分钟会走漏眼，其实位置在浣纱街百佳超市对面新村街行入去，左手面就会见到一间红砖小店，门上挂著小猪木牌嘅就系呢间休闲咖啡店。
餐厅面积不大，装修简约唔花巧，楼底高高加上木门窗，好有大自然气色。我选坐最大嘅窗边木台位置，一边睇住木刻小餐牌，一边有微风吹怫到店内，感觉非常舒服。可惜店员一句说话令我地晴天霹雳，就系是日无热饮供应，原因不明！去到一间咖啡店无得饮热咖啡，心情有如中空宝一样失落，怪不得台面无放上精致嘅方糖，万分无奈下只好改试冻咖啡及冻朱古力...
待餐期间不停为店内嘅小摆设影相，无论系银色松露猪，黑色小夜莺，电灯泡，手织咖啡杯，甚至迷你版美极同辣椒仔，我全部都唔放过乱影一通，不过近期对自己摄影作品极唔满意，总系有点唔多畅顺感觉，希望下次到来可以饮到热咖啡之余，亦可以拍摄一辑心爱嘅照片...
先送来冻朱古力一杯，呢度嘅朱古力甜度刚好，入口亦无浓郁苦涩味，值得留意饮管系金属制造而且亦系匙羹，设计独特之余，更成功将冰凉感觉好好保存，可见店方都几有心思。将杯面上雪糕球跟巧克力粉一齐混入朱古力当中，质感妙绝，个人觉得比起VERO更出色，而且只卖$32一杯，非常抵饮，相比起滥竽充数嘅咖啡室好得多！
冻莫加咖啡($40)亦无令我失望，咖啡味香而不浓，面层奶泡口感幼滑，感觉跟其他地方有种不一样嘅感觉，或者呢个就系咖啡嘅独特个性吧！我虽然唔系咖啡专家，但一杯合我口味嘅咖啡，我总系希望可以推介俾朋友，而我就加倍爱上呢间小店了！
如果斋饮咖啡似乎寡左少少，于是点选左French Toast($38)作为下午茶点。呢度嘅French Toast并非茶记港式制法，但又跟正宗法式略有不同，薄薄嘅糖浆入口甜而不腻，淡淡嘅肉桂味由面包片中渗出，味道还可以。不过如果可以用上正宗方法，面包用上Brioche，沾上Crème Anglaise，再用砂糖去煎，唔加牛油同糖浆就更精彩了！题外话，如果大家知道边度有正宗法式西多士供应嘅咖啡小店，记住通知一下小弟...顺带一提，Kindergarten营业时间较为特别，星期六日下午二时才开始营业，闲日亦只有星期五晚才开门做生意。虽然今次未能够真正体验咖啡精彩，茶点亦有值得改进嘅地方，但亦无损我对呢间小店嘅热爱，爱休闲生活嘅朋友更加唔可以错过。执笔时翻睇拍下嘅照片，发现餐牌上原来有啤酒及红酒供应，或者等待夏天到来时，再到呢度饮杯冰冻啤酒，感觉未知又会系点呢？
张贴
