影片
更多
2023-04-08
672 浏览
想试呢一间Cafe好耐了，一年前行过生酮，当时四围揾d有生酮菜单既餐厅，而呢间小店就系其中想试之一，不过因餐厅位置有少少吊脚，所以一路都无去。直至近年深水埗开多左好多文青店同Cafe，所以去深水埗探店时遇返佢，估唔到拖到而家无再行生酮先过离试食。餐厅有两层，系水泥工业风，布置简约，大玻璃门透光入店内，整间店既氛围系舒服休闲，门口仲画左只可爱既柴狗，经过可以打下咭😆。今次食左3样野～伪炒饭，叉蛋三文治 仲有 生酮蛋糕。1. 瑶柱虎虾炒（饭）- Keto：HKD118😋😋😋😋😋》个炒饭唔系真饭，系用椰菜花饭炒，份量ok，看似细细碟，其实食完系好够饱，睇相都见，碟饭系有丰富既蛋白质，瑶柱，虾，蛋，所以非常饱肚，唔止生酮可食，想增肌减脂人士都很合适。椰菜花饭既椰菜炒得干爽，粒粒大细不一，食落有口感。个炒饭用唔少 细粒瑶柱，同大量鸡蛋同樱花虾米一齐炒。碟炒饭既味道唔咸，系尽用食材既原味，瑶柱既咸香味，香浓既蛋味，仲有焦香樱花虾米既海鲜香味，所以整个饭既一上枱系好香，味道更加唔洗讲，真系好好食！碟饭有四只去壳虎虾，4只虎虾都唔算好大只，不过虾肉雪白，煎得微焦，虾肉食落非常爽滑弹牙，好味！2. 黑毛
餐厅有两层，系水泥工业风，布置简约，大玻璃门透光入店内，整间店既氛围系舒服休闲，门口仲画左只可爱既柴狗，经过可以打下咭😆。
今次食左3样野～
伪炒饭，叉蛋三文治 仲有 生酮蛋糕。
1. 瑶柱虎虾炒（饭）- Keto：HKD118
😋😋😋😋😋
》个炒饭唔系真饭，系用椰菜花饭炒，份量ok，看似细细碟，其实食完系好够饱，睇相都见，碟饭系有丰富既蛋白质，瑶柱，虾，蛋，所以非常饱肚，唔止生酮可食，想增肌减脂人士都很合适。
椰菜花饭既椰菜炒得干爽，粒粒大细不一，食落有口感。个炒饭用唔少 细粒瑶柱，同大量鸡蛋同樱花虾米一齐炒。碟炒饭既味道唔咸，系尽用食材既原味，瑶柱既咸香味，香浓既蛋味，仲有焦香樱花虾米既海鲜香味，所以整个饭既一上枱系好香，味道更加唔洗讲，真系好好食！
碟饭有四只去壳虎虾，4只虎虾都唔算好大只，不过虾肉雪白，煎得微焦，虾肉食落非常爽滑弹牙，好味！
瑶柱虎虾炒（椰菜花饭）
$118
39 浏览
0 赞好
0 留言
2. 黑毛猪叉烧滑蛋黑麦酸种包：HKD 125
😋😋😋😋
》份三文治好大份，黑麦酸种包厚厚的，烤到焦香松脆。滑蛋亦炒得很完美，蛋液半凝固状，蛋味亦非常香浓。而黑毛猪叉烧有㶶边，食落油润甘香，肉汁丰富，旧叉烧系偏肥既，但有少少缺点，就系咬落某d位有筋。不过，整份三文治都算系好食既。
黑毛猪叉烧滑蛋黑麦酸种包
$125
29 浏览
0 赞好
0 留言
3. 生酮咸蛋黄朱古力蛋糕 : HKD88
》呢个蛋糕真系不得了，估唔将咸蛋黄，朱古力，芝士蛋糕系可以咁夹😯 。蛋糕有4个分层，最顶层系硬朱古力层+朱古力粒粒同果仁，然后第二就系朱古力芝士蛋糕层，第三层系咸蛋黄芝士蛋糕层，最后一层就系饼底。
个蛋糕既朱古力味非常香浓，第一层朱古力层系脆既，有果仁脆香，然后之后两层就系软既芝士蛋糕，芝士蛋糕层很幼滑，咸蛋黄层既咸味同朱古力层一齐食 令朱古力味丰富左同香浓左，唔知点解食落有少少乐家杏仁糖既味道，总之，呢个蛋糕令人非常回味，十分推介。
咸蛋朱古力蛋糕
$88
24 浏览
0 赞好
0 留言
咸蛋朱古力蛋糕
$88
34 浏览
0 赞好
0 留言
张贴
