莫云

营业中

休息中

早排圣诞假期同屋企人去咗呢一间位于大角咀嘅高质中菜馆，内里装修俾人一个好舒适嘅感觉。最适合放假同屋企人一齐过嚟享受吓Family Time。放假中午饮茶就最高兴啦，呢间茶芥每位$28,点心款式精致。高汤海参灌汤饺|$88|呢个价位有厚厚嘅海参，配埋大大只高汤灌汤饺，热辣辣上枱，屋企人都大赞够晒足料。黑松露烧卖|$68|同一般烧卖有啲唔同，烧卖加上左黑松露，令到烧卖食落更加香，另外仲特别order咗潮食辣椒油，点埋一齐食就最正啦。名酱蒸凤爪|$58|热辣辣凤爪上枱，有谁不爱？除咗凤爪软硬适中之外，亦都蒸得好入味另外值得一提嘅系，呢度呢款凤爪底系配上左白云豆，jami第一次食呢一款豆，真系觉得好特别啊。入口软糯，吸收晒凤爪嘅精华，超推介。巴拿马火腿萝卜糕|$68|呢款萝卜糕又系必叫推介，咸香嘅巴拿马火腿包裹住煎向香左嘅萝卜糕，真系好夹，仲可以点埋辣椒酱一齐食，食落更加正。原只鲜虾肠粉|$68|每一件肠粉都有只大大只鲜虾同鲜甜爽口翠玉瓜，肠粉皮都烟靭好食，唔会一夹就散开。蟹肉菜苗水晶饺|$68|呢款有满满嘅蟹肉铺喺面，水晶外皮软糯，而里面系充满满满嘅蟹肉同埋鲜甜菜苗，又系好好食。古法马拉糕|