星海．譽宴 (The ONE)

营业中

休息中

我真系好内都无出去饮茶，咁岩今日老板请食午餐，紧系要叹下茶先啦！午餐时间真系人山人海，爆晒场，好彩都系等左一阵就有枱。侍应拿了一个装满热水既大盘给我们简单清洗碗碟，非常方便。酥皮雪山叉烧包热辣辣既叉烧包，酥皮香脆，面包松软，丰满嘅叉烧肉馅，非常滋味，吃了一个停不了口。黑胡椒安格斯牛肉肠一碟有6小件既肠粉，内含淡淡黑胡椒味，牛肉味香而多，好明显同平时食既牛肉肠有极大分别，下次都必定要再食。蟹籽烧卖皇烧卖爽口弹牙，内含猪肉，虾和冬菇，再添上少许蟹籽做衬托，卖相吸引。紫金酱蒸金钱肚金钱肚比较大碟，相比一般食开既份量还要多，腌得入味之余又唔会太咸，非常惹味。饮茶必点之选就一定要叫凤爪，虽然肉唔多，但够晒入味，仲可以过下口引。木鱼花烧汁茄子茄子都几大件，够淋同好juicy，上面还有鱼肉夹在一起，鱼肉弹牙又唔腥，再配上适量既木鱼花，好有日式风情。款式选择多，价钱合理，再配埋靓景，简直一流，令人放松之余仲好有家既感觉。