開飯主義

营业中

休息中

今天可以同大埔老友两个人好好撑枱脚，去咗大明里揾下午茶医下肚，吹下水！路过见到有间叫开饭主义，门口有人排队等位，系这个原因之下，大家就做排队族，等下啦，等咗10分钟左右，就已经有位，店内有好多卡位，环境都好舒适！餐厅提供好多款食物选择，例如有咖哩，厚吐司，全日早餐之类老友就选择咗一个全日餐all day breakfast ，包括有炸鱼柳，鸡块，炒蛋，茄汁焗豆，沙律和脆奶油猪仔包，好丰富呀！炸物炸得够脆，炒蛋炒得滑，最欣赏个脆奶油猪仔包，劲脆口呀！餐饮叫咗冻咖啡，多奶少冰，好饮！我就叫咗一个罗宋汤螺丝粉配鸡扒包，个罗宋汤好够味，好好饮呀！鸡扒包好大个，好抵食，配上日式烧汁酱，味道好夹！餐饮叫咗杯热柚子蜜，好甜！餐厅食物价钱好合理，食物质素又好，下次再系大明里揾食，开饭主义必定系首选医肚的好地方！