影片
更多
2023-12-21
22 浏览
呢间大埔艺术中心都有一间分店，主打手工意粉，👭🏻孖妹一直都bookmark住，最新近喺观塘开左分店，即刻去朝圣下配合选址，墙身有大大只黑色「官塘」、「手工意粉」字，虽然系西餐有带本地特式😊临近圣诞餐厅推左圣诞套餐，有粟子汤、火鸡、龙虾意粉同甜品拼盘，充满Christmas 气息，客人都可以选择，今日👭🏻孖妹order左二人套餐，有齐前菜、主菜、餐汤、饮品，仲可以upgrade食豪啲，要埋甜品，加埋都系$350/人，几丰富㗎😚🔸🔹🔸🔹🔸🔹🔸🔹🔸🔹🔸🔹🔸🔹🥢椰菜花忌廉汤✨上枱时已经闻到阵阵椰菜花清香，外观淡绿色，加左香草点缀，质地带少少禁度，调味咸度适中，椰菜花打成蓉煲至腍身，饮落口感顺滑🥢 白鳀鱼茄子蓉多士 ✨ 以厚切法包多士片为底，上面铺满了淡紫色嘅茄子蓉，放上白鳀鱼片+番茄蓉🥫✨茄子蓉是由熟透的茄子捣碎后以沙律酱调味，质地柔软，白鳀鱼鱼质鲜嫩肉质，唔腥带淡淡鱼香，与浓郁茄子蓉同番蓉酱配搭得好好，酸酸地几开胃✨多士片够酥脆，同茄子蓉柔软质地喺口腔中散开，👷🏻♀️细孖几钟意🥢 意大利风干沙律✨ 采用24个月风干火腿、莎乐美肠、寇帕火腿、新鲜大粒清甜青提✨火腿整体味道几浓郁，咸度啱啱好，亦
呢间大埔艺术中心都有一间分店，主打手工意粉，👭🏻孖妹一直都bookmark住，最新近喺观塘开左分店，即刻去朝圣下
配合选址，墙身有大大只黑色「官塘」、「手工意粉」字，虽然系西餐有带本地特式😊
临近圣诞餐厅推左圣诞套餐，有粟子汤、火鸡、龙虾意粉同甜品拼盘，充满Christmas 气息，客人都可以选择，今日👭🏻孖妹order左二人套餐，有齐前菜、主菜、餐汤、饮品，仲可以upgrade食豪啲，要埋甜品，加埋都系$350/人，几丰富㗎😚
🔸🔹🔸🔹🔸🔹🔸🔹🔸🔹🔸🔹🔸🔹
🥢椰菜花忌廉汤
✨上枱时已经闻到阵阵椰菜花清香，外观淡绿色，加左香草点缀，质地带少少禁度，调味咸度适中，椰菜花打成蓉煲至腍身，饮落口感顺滑
🥢 白鳀鱼茄子蓉多士
✨ 以厚切法包多士片为底，上面铺满了淡紫色嘅茄子蓉，放上白鳀鱼片+番茄蓉🥫
✨茄子蓉是由熟透的茄子捣碎后以沙律酱调味，质地柔软，白鳀鱼鱼质鲜嫩肉质，唔腥带淡淡鱼香，与浓郁茄子蓉同番蓉酱配搭得好好，酸酸地几开胃
✨多士片够酥脆，同茄子蓉柔软质地喺口腔中散开，👷🏻♀️细孖几钟意
🥢 意大利风干沙律
✨ 采用24个月风干火腿、莎乐美肠、寇帕火腿、新鲜大粒清甜青提
✨火腿整体味道几浓郁，咸度啱啱好，亦食到肉既甜味，肥瘦比例适中，而且口感亦算顺滑脆软，新鲜提子🍇比客人解腻
🥢手工意式薯团配烟肉番茄酱
✨ 意大利粉食得多，薯团喺香港都越黎越多餐厅做，主要以薯仔、面粉、蛋混合整成波波，外酥内软，加入风干猪颊肉搭配磨菇番茄酱，风干猪颊肉切成小丁，熏香同咸味同番茄酱薯团好惹味又唔会过咸，酸酸甜甜几开胃唔会腻☺️
🥢 新鲜波士顿龙虾意粉 +💰100
✨ 今日食风豪爽，叫左波士顿龙虾，系好精致豪华，半边龙虾好鲜美多汁，带有淡淡甜味，意粉会用意粉夹卷起摆盘，意粉加入芝士忌廉煮成茄酱，比起薯团酱汁更多层奶香风味，口感丰润浓郁
🥢提拉米苏 +💰38
✨ 凡惠顾二人餐都可以优优价加配两款指定甜品😊对于咁钟意食甜品嘅细孖系好吸引另一选掉系奶冻
✨ 以🫙上，底部用上甜手指饼、依次序放Mascarpone cheese、手指饼、Expresso☕️可可粉，一共两层手指饼，食到咖啡香但咖啡液可以再多啲，意式手指饼🍪比较甜，略觉得酒味唔够出，如果啲手指饼渗多啲expresso会更加好味，Mascarpone cheese 好轻盈😋挺身够creamy 滑溜
🥢生啤 (少爷啤酒） +💰58
✨二人套餐套餐可以升级饮品，👷🏻♀️细孖今次拣左本地手工啤酒，$58都几抵，成500 ml㗎
✨ 作系一种冇过滤加热处理嘅啤酒，有浓厚麦芽风味，外观呈淡琥珀色色泽，啤酒几浓郁，气泡好足够🫧
🥢 Lemon Meringue Pie 💰118
✨今晚👩🏻💼大孖叫左呢款由兰姆酒、新鲜柠檬汁、焦糖糖浆同蛋白层组成的cocktail 酸甜味道中带啲柔和甜度，比较惊喜系最顶的蛋白层，调酒师打得非常厚挺身同绵密，多左一层丝滑的口感，而鲜柠檬汁为兰姆酒多左一份清新👍
🥢 冻柠茶
🔸 🔹🔸🔹🔸🔹🔸🔹🔸🔹🔸🔹🔸🔹
💰人均消费：$350
张贴
