茶木‧台式休閒餐廳 (黃埔天地)

营业中

休息中

复活节最后一日假期， 当然作最后冲刺。 一个人的午餐，都要食得好，即使一个人都不能hea。求求其其，去茶木食啦！ 一个人真系易揾位， 门囗有一小堆人等位， 我㩒佐菲后， 3-4分钟就入得啦！叫左个红烧牛肉面同水果茶， 红烧牛肉面都几大碗， 面底系刀削面， 都几弹牙几有咬感， 汤底浓味带少少辣， 配菜有白萝卜， 牛肉好大件， 有三大件， 仲有小小牛筋， 肉质几嫩滑， 白萝卜同牛肉吸收晒汤底精华， 好入味。 总括嚟讲呢个红烧牛肉面都几好味。水果茶系用蜡烛点著保温的， 有鲜生果肉包括香橙， 青柠檬， 柠檬， 士多啤梨及菠萝， 满满的维他命c， 好味又健康， 略嫌茶壶太小， 份量不足。系门口等个时见到个蛋糕柜入面d蛋糕好吸引， 谂左一阵决定都要叫返件蓝莓芝士蛋糕做甜品， 其实真系花多眼乱，款款都好想要， 鬼叫得一个人咩， 冇得试多几个味。蓝莓芝士蛋糕有粒粒的蓝莓，唔会只系得蓝莓jam , 个芝士蛋糕软硬适中，成件食都唔觉太腻。