唐源

营业中

休息中

今日放假瞓到日上三竿先起身去食饭。本来想是但揾间餐厅食，但系撞正午餐时段周围都要等位刚好经过唐源见到佢bar枱仲有位，之前又一直想试，可惜次次都多人就无试过，今日终于有机会啦我叫咗个午餐，前菜要南瓜配慢煮鸡胸沙律，主菜系红鲣鱼柳伴意式茄干，蘑菇马铃薯丸子，再加$30要咗个甜品，蓝莓红丝绒蛋糕同加$10要咗杯冻朱古力咖啡首先前菜，南瓜配慢煮鸡胸沙律。卖相很好睇落好有食欲感味道唔错，但系鸡胸个人觉得唔得，口感有啲似生肉同埋有啲难咬开，所以五星满分我俾三星。主菜红鲣鱼柳伴意式茄干，蘑菇马铃薯丸子。不得不说，佢哋摆盘卖相真系做得几靓食落去同前菜一样，哈哈，主角红鲣鱼扣分，鱼无味，但系其他配菜做得出色，味道很好冻朱古力咖啡，除咗咖啡有嘅苦味，完全唔觉有朱古力味而且亦无咖啡香。失败之作最后甜品，成个餐最好食系佢蓝莓红丝绒蛋糕，唔会好甜，味道刚刚好，又有少少蓝莓粒埋单$152，性价比一般题外话，我一起身就出咗唻食咗呢一餐，个人肠胃有些少过敏(食生冷野无问题架)，少少唔干净都肚痛。食完唔够半个钟就搞肚。呢餐之前之后无食过其他嘢，唔知同呢餐有冇关系。又可能系我个人问题，不过唔会再嚟食了