影片
更多
2022-08-30
1508 浏览
今日唔行山，改为出车，同老友由大埔起步，一直踩过去元朗，呢条线都踩过好几次，基本上难唔到我哋，大概2.5小时就完成（单程）。校正时间嚟到元朗喺食午饭时间，因为踩住单车，揾食就要拣择啲，专登过嚟朗屏，离地铁站远少少嘅「Salamat Café」，就喺方便我哋「泊车」兼睇实架车。 门外有张长櫈，被人打卡用？俾路过嘅街坊坐吓、摊抖吓？就连白鸽都打打趸，哈哈！嚟到呢类小区餐厅，周围游人唔多，同元朗大马路一带就好似平行时空咁。踏入餐厅，喺小店格局，先喺一排4个对住窗外街景嘅高脚吧位，如果得一、两个人嚟，呢个喺几好嘅位，大大只窗睇晒全个小区街景，见到啲买𩠌嘅街坊呀，放狗嘅行人呀，都几有趣。 而整间店唔算大，目测全场大概廿个位左右，装修简约，一室白衬灰，地下砌咗黑白细阶砖，右边窗下又做咗啲白色仿砖墙，挂上特别嘅吊灯，感觉悠闲。 另一特别之处，相信店主对电影，或一啲模型手办都好有兴趣，因为餐厅尾嘅墙上，贴咗好多电影海报，而餐厅四周，则摆设咗非常之多嘅模型公仔，足球小将啦、城市猎人啦、龙珠啦，仲有好多高比拜仁嘅书，相信都喺店主珍藏。 今日天气超热，所以，一坐低就贯咗成樽水，我又几钟意店家提供嘅水，唔喺话
门外有张长櫈，被人打卡用？俾路过嘅街坊坐吓、摊抖吓？就连白鸽都打打趸，哈哈！嚟到呢类小区餐厅，周围游人唔多，同元朗大马路一带就好似平行时空咁。踏入餐厅，喺小店格局，先喺一排4个对住窗外街景嘅高脚吧位，如果得一、两个人嚟，呢个喺几好嘅位，大大只窗睇晒全个小区街景，见到啲买𩠌嘅街坊呀，放狗嘅行人呀，都几有趣。
而整间店唔算大，目测全场大概廿个位左右，装修简约，一室白衬灰，地下砌咗黑白细阶砖，右边窗下又做咗啲白色仿砖墙，挂上特别嘅吊灯，感觉悠闲。
另一特别之处，相信店主对电影，或一啲模型手办都好有兴趣，因为餐厅尾嘅墙上，贴咗好多电影海报，而餐厅四周，则摆设咗非常之多嘅模型公仔，足球小将啦、城市猎人啦、龙珠啦，仲有好多高比拜仁嘅书，相信都喺店主珍藏。
今日天气超热，所以，一坐低就贯咗成樽水，我又几钟意店家提供嘅水，唔喺话有咩特别好饮，只喺樽仔细细，几好斟。
讲番午餐有咩拣先，一页纸嘅午餐餐牌，共10款，A组相信喺常规款式，有沙律、有意粉、有薄饼、有肉类，包沙律或餐沙+餐饮，定价为$68-$148，而B组喺每两周会转款嘅精选，定价$78-$98，仲有一款全日儿童餐添。
饮品亦有好多选择，而餐饮转其他饮品，有半价嘅升级优惠。
此外，就算喺午餐时段，都仲有多款小食、特色饮品、手工啤、红白餐酒……等等供应。我哋就简单啲，选上两份午餐。 
是日沙律老友一心想食牛扒，所以，头盘就拣个沙律平衡吓，原以为都喺啲田园沙律之类，点知加咗啲烟三文，当然，要加分啦。沙律菜好爽脆，烟三文又够咸香，简单得嚟味美嘅头盘。
是日餐汤小弟就拣咗饮汤，补番多啲水份，今日喺周打蚬汤，睇样就真喺平平无奇，如一般嘅忌廉汤咁，之但喺，饮落就知真材实料，汤内有好多蚬肉，而且，餐汤嘅质感唔错，几香滑。
招牌烧菠萝肯琼香料香煎猪扒配薯菜 $88叫得招牌，应该差唔得去边，所以，小弟就拣猪扒，卖相好靓仔㖞，大大件猪扒配上烧得焦香嘅菠萝，酱汁以小盛器另上，而伴上金黄嘅炸薯条、大量沙律菜、哈蜜瓜，真喺诚意十足。
招牌烧菠萝肯琼香料香煎猪扒配薯菜
$88
46 浏览
1 赞好
0 留言
伴菜亦有心思，炸薯条做得香脆不腻，份量亦够多；而沙律菜淋上胡麻酱，又添了不少车厘茄，可以减番低番猪扒同薯条带嚟嘅罪恶感，加埋有少少哈蜜瓜，就更平衡，况且，啲哈蜜瓜超甜。
美国安格斯西冷牛扒（8oz）配薯菜 $148老友喺食肉兽，首选就喺西冷扒，卖相同我嘅猪扒一样咁可观，配上大量薯菜、水果。落刀切少少出嚟影相，已感受到肉质好嫩滑，老友要上七乘熟，睇睇色泽，确喺到位，无血水，但又唔会太熟到透，仲有少少嫩红，不过，如果我食嘅话，就较喜欢五乘。简单盐、黑椒调味，斋食真喺食得到𠮶份肉香，带点油脂，加上外层焦脆，内里好软腍，足见件扒本身极具质素。
冻美式咖啡 +$5、冻柠茶好少饮美或咖啡，不过，天口真喺热，所以要杯冻嘅嚟爽一爽，比起鲜奶系咖啡，饮冻嘅美式咖啡喺清爽好多，而咖啡味本身亦几醇厚，带微微果仁香。老友嘅柠茶就唔讲喇，但老友就话比茶记嘅淡啲，令佢回忆番起「碧泉」柠檬茶嘅味道，后生一辈应该未饮过啦。
巴斯克芝士蛋糕 +$20原价见标$40件，午餐可以以$20加配，当然要试吓啦。咩喺巴斯克芝士蛋糕？其实就喺将芝士蛋糕焗浓啲，做成一层焦脆面。个蛋糕嘅质素好唔错，挺身得嚟，口感保持软滑，散发出咸咸哋嘅芝士香味。
为我哋都怕星期六会人多，所以，都拣晏啲先嚟食，慢慢食，更写意。此外，招呼亦唔错，上菜嘅速度啱啱好，让我哋食得好称心，抖多阵，再上路，一程唔使点抖踩到返大埔。
张贴
