1/10 (已結業)

上星期五即系中秋正日刚好公司可以放早收4点，放咗工就去咗一间想去好耐的Cafe 1/10 。上到铺头已经见到有好多人已经坐咗系度，而我就先叫咗杯Flat White 加多件海盐焦糖芝士蛋糕，之后就比系玻璃房的店长吸引住，店主见到我问可唔可以同猫猫影相佢都好好客叫醒猫猫比我影，令我有啲唔好意思。之后有位我就坐低先上的系蛋糕，之后就系一杯有好靓拉的兔仔拉花的咖啡，我先试蛋糕初初谂海盐焦糖芝士蛋糕会唔会好甜，点知入口唔甜之余仲有淡淡的芝士味，因为可能有海盐的关系所以唔觉得甜味道刚刚好。而咖啡方面入口偏苦而回甘的味道好好，唔会觉得味道过苦，而咖啡师好专业介绍及讲解客人饮的特别咖啡。而系用餐的过程发现店内大多数系熟客，而且店主佢地都好好有空档时间会同客人交流，环境方面主要系享受休闲为主，系忙碌中如果有时间不防一试。