星宴中餐廳 (已結業)

家姐有张W hotel 500蚊现金劵，所以我地又出动，黎试下呢间酒店中菜厅。星宴个名都几特别，有别于其他酒店中菜厅既名。门面都几靓，有D期望。我地被安排到里面一间大房，房既一边放左张好大既中环风景相，霎眼看似落地玻璃，出面仲望海有风景睇，但系事实系被骗！🤣🤣🤣我地叫左4个菜同一个饭，份量都ok, 刚刚好。豆腐杂菜都几多料，个汤底亦都唔错，连汤都饮埋！黄金虾个浆粉厚薄适中，蛋黄味浓。柠檬骨既卖相几吸引，仲好细心包左锡纸，食起上黎都好方便。由于系柠檬汁既关系，食落唔腻，仲好fresh! 至于烧鹅亦都系唔错，肉质都够嫩。最后当然要有饭落肚啦！个龙虾炒饭唔知点解咁多汁😅，不过味道都ok. 整体呢讲，餐饭系唔错，几样菜都有水准，服务都可以，不过就唔够老牌五星酒店咁好招呼。原价要成千七蚊既晚饭，最后唔驶一千蚊就可以，又几开心㖞！😬😬😬