Aldou Cafe (已易手) 新餐厅

今日下午同老婆去行南生围，行之前紧系要食个好味嘅午餐先啦，揸车到元朗泊好车见到间外面精致，感觉优雅嘅cafe，但同市区有别嘅系，市区多系上楼，估唔到有间系地下嘅，一于试下入到餐厅播着悠闲嘅英文歌，好舒服，我入到去侍应就介绍今日餐汤系南瓜忌廉汤，另外我叫咗个鸡肉波菜意粉，忌廉汤好有南瓜味，忌廉汤好滑，外貌又好靓，波菜意粉好淋，波菜好入味，鸡肉好滑又淋，加上啲菇好有口感，最后加上一杯令人精神一阵嘅绿茶咖啡，咖啡师拉花拉得好靓，绿茶味比较重，咖啡味比较轻，但都好好味，只系本人喝咖啡比较浓所以饮唔到咖啡味，但我老婆话好重咖啡味，我同老婆坐到唔太舍行走，但我今日同老婆来系去南生围，唔舍得都要走啦！我会再来嫁，下次食晚餐，食完再介绍比大家