八居酒屋 (旺角新城)

营业中

休息中

今日lunch黎食日本野，唔系朋友介绍都唔知依度有间咁抵食嘅日式餐厅。 午市有套餐，包味噌汤、茶碗蒸、腌萝卜。味噌汤好清甜，唔似一般整嘅得个咸字。茶碗蒸入面有好多配料，例如蟹柳、菇菇，非常丰富。腌萝卜酸酸甜甜好开胃。 第一份套餐系三文鱼飞鱼籽丼，三文鱼好大片，食落口好鲜甜，而满满嘅鱼籽布满整个丼上，每啖饭都咬到粒粒爽甜嘅鱼籽。 第二份系蒲烧鳗鱼丼，鳗鱼烧得好香口，肉质肥美，而白饭捞咗鸡蛋丝，一啲都唔寡。 套餐可以追加饮品同小食，我地追加咗忌廉蟹肉薯饼，外脆内软，入面热辣辣又绵滑。 饮品点咗日本青柠梳打同白桃梳打，好清香，仲可以一边叹一边欣赏风景。