潮味莊 (已結業)

近期来多了土瓜湾区，发觉区内有不少新食店，潮味庄便是其中一间。今晚我地特意来试试，叫了「三𩠌泡饭」、「蚝饼」、「牛杂」。三𩠌泡饭 - 「即叫即煲」吸引左我地想试下，拣左蚝仔、猪润、冬菇，白饭另上。等左约15分钟，滚热辣上枱。试一试个汤，好香浓既猪润味，试一片猪润，属爽囗类，不会太粉。蚝仔亦几大只，但蚝味唔重。冬菇索左猪润汤汁，几入味。汤内仲有生菜底，够健康。先饮细半碗汤，再加点白饭变成泡饭，夏天冇咩胃口食呢个泡饭，唔错唔错！蚝饼 - 上枱见到个样有d失望，试一啖，同样失望。蚝饼煎得太松太碎，有d干身。蚝仔正如泡饭一样，无咩蚝味，而且份量亦唔多。牛杂 - 呢份牛杂都包含左好多部位，牛膀、牛肚、金钱肚、牛肠、牛肺＋喉、牛粉肠等。牛肠、牛肺＋喉都整得好爽口，牛粉肠更系少有食店会提供，兔仔不知几钟意 至于牛膀牛肚等就比较普通，整体而言已经唔错。后话：返到屋企冇口干感觉，相信店内食物冇咩味精