榮園麵家 (已結業)

系呀系呀!!!同好多人都一样，经过呢间荣园无数次都冇食过或冇谂过入去食，点解?因为夏天又会太热，冬天又会觉得太风凉水冷啰ANYWAY，今次终于的起心肝扯埋朋友入去试试。因为其实唔系饿而系咁0岩经过口痕之故，我地本来想叫一碗双拼就算，但我想食河粉，朋友想食面，所以最后我拣左牛丸河，朋友拣左云吞面，真系话咁快就上，我地睇左几秒两碗粉面都觉得好似冇乜特别，我先夹起粒牛丸食，虽然唔算大粒，但原来几弹牙爽口，跟住食左只云吞，咦~入面唔止有虾，仲有旧好有弹性0既肉粒架!!!呢种弹性好明显唔系用碎肉机碎出黎0既，我好欣赏呢种功夫而d虾就唔识评价，因为唔多食虾，冇得比较，总之绝对唔系稔bap bap，另外，d河粉稍微碎左一d，不过冇浸到稔啦最后都有饮左一口汤，都几好味，绝对唔系斋味精水。呢度d客好多明显系熟客，叫野都同d伙记叫法一样，我谂冇一大批捧场客都好难可以0系旺角撑落去，下次会试试牛腩，因为都见唔少人叫。