CURATOR Art & Café (已結業)

今日约咗朋友去尖沙咀行街睇戏,喺k11Musea 睇完戏,喺附近揾啲嘢食下,经过见到一间西餐厅环境都几舒服,所以入去试下。Curator Art & Cafe , 餐厅环境非常整洁望,落去高贵而有格调。店员态度友善值得一赞。prosciutto and Mozzarella Pizza 98元意式火腿配水牛芝士薄饼,pizza皮做到好香脆,上面加咗水牛芝士,菜,火腿,整体嘅味道好夹,意式火腿有少少咸香,芝士味又中和番个咸香味,味道恰到好处。苏脆鸡槌配水牛芝士酱,鸡槌炸到金黄色,又香又脆,非常惹味,入口鸡皮脆卜卜香口得嚟又有阵芝士香味,入面嘅鸡肉仲系好嫩滑好juicy,厨师炸到好啱啱好。烤虾牛油果沙律,份量非常多,三只大虾烧到啱啱好,入口外皮香脆,入面嘅虾肉爽口弹牙,加上清新嘅沙律牛油果味道,食完好开胃，牛油果非常健康又够新鲜，入口仲散发香味安格斯高级肉眼牛扒配烤薯,牛扒七成熟煎到啱啱好,而且分量仲系好多,入口牛肉味好香浓,脂肪分布均匀食到油花嘅香味,有入口即溶嘅感觉,配上蒜头,令到牛肉嘅香味更加突出,味道更加有层次,旁边仲放有几粒薯仔，煎过之后非常香口，味道鲜甜更加饱肚。