富記麵家

营业中

休息中

平日lunch时间，门口有几个人排队，大概5分钟就入到去。店舖唔大，环境企理干净。上菜都上得几快，不过唔会催你或者俾你好赶嘅感觉，服务态度都好好。𠮶日无牛坑腩，叫咗普通牛腩，牛味浓郁，煮得够腍，连住少少肥肉，肥瘦适中，好味。而手打黑白墨鱼丸够弹牙，有咬口一啲都唔粉， 有啲墨鱼碎粒，够晒墨鱼味。汤底都饮到牛味，之后无口渴应该无味精。萝卜清甜无筋。河粉幼滑，唔会好易断亦唔会一pat野，份量十分慷慨，对于女士来讲够晒饱。会再帮衬，希望下次可以食到牛坑腩啦。