美味餃子店

营业中

休息中

听闻呢间店好出名，趁得闲就同朋友走左去食，下午1:45时段大概等左2分钟左右就入得，入面系圆台可以坐5个人，预作要搭台。叫左煎白菜肉饺同埋云耳椰菜肉汤饺（太心急食唔记得影），两款饺子都好大只，粒粒饱满，同埋一个车仔面配猪红同冬菇。煎饺热辣辣，落单后先煎好新鲜。肉质嫩滑唔散，白菜新鲜。煎饺要细口咬，要小心入面嘅汤汁，两面都煎到金黄色，够脆口。至于云耳椰菜汤饺嘅饺子皮好Q弹，味道白菜款好食D。佢附上嘅野葛菜汤我同朋友就觉得麻麻地，有少少药材味。另外佢地嘅菜脯都好出名，我同朋友就觉得不过不失，唔太特别，都系饺子味道特别D。（同埋唔知系咪因为菜脯免费嘅关系每次盛嘅时候都有人望住，有D尴尬。）车仔面就普通嘅水准，份量正常但无食晒D面，始终呢间店系主打饺子，唔可以expect太多，下次去只会帮衬饺子。