北海道牧場餐廳 (已結業)

剪完头发朋友带左我去【北海道牧场餐厅】食晚饭！朋友叫左蛋治，好似大人国食既ｓｉｚｅ，一个女仔真系食唔哂，咁大食既我都未必食得哂，就算食哂都会饱到颠左！而我就叫左个叉烧意大利粉餐，上到台先知咁多野，冇错，我系食唔哂既！叉烧意大利粉：汤底好好饮，叉烧都唔错，符合我既要求唔太肥，朋友话佢地既叉烧系用太兴架。（不过佢地既汤底应该系用金宝整既，因为咁岩我食紧既时候．见到有人送货入黎。）炒蛋：好滑、好香，应该加左鲜奶一齐炒。多士：好大件呀，热辣辣好好味！火腿：咸左小小，岩岩合格。