京.花朝 (已結業)

通常去到铜锣湾谂唔到食咩，就会去耀华街百乐中心度揾吓有咩食。呢度长期都排长龙，排队嘅时候我哋最后决定食中菜，揾左呢间京花朝。一入到去好有高级私房菜感觉，以为价钱会好贵，点知一睇餐牌原来好抵食！我哋要咗一个二人套餐，冷盘方面可以自选两个，我哋首先要咗个鸡丝粉皮。1无论系鸡肉丶青瓜丝丶定系麻酱，都十分足料！特别欣赏麻酱既味道，调教得好香浓，好好食！另外要左碟凉拌海蜇皮，海蜇十分爽口，加左少少麻油调味，好开胃。然后到原盅炖汤。炖汤热辣辣，而且非常足料，有菌类，杞子，圆肉，瘦肉，火腿，南北杏等等，清甜又滋润。到主菜部分同样可以自选两款，首先拣左赛螃蟹。白雪雪既蛋白真系十分嫩滑，而且入面有同样嫩滑既鱼柳粒，面头又加左肉松，增加口感同层次，加少少醋调味已经够。另一主菜系中菜必食既凤梨咕噜肉。呢度既咕噜肉真系可以得超高分！个汁酸甜度，稀稠度都恰到好处。而且肉炸得够脆够松化又唔厚粉，啖啖肉，用黎捞比较清淡既蛋白炒饭真系一流。最后仲有拔丝香蕉做甜品。略嫌粉酱有少少厚，但味道唔会好甜，仍然都系好好食。呢个餐for 2个人真系足够有余，食物水准超级高，环境又舒服，重点系完全唔贵，真系好推介。