QUE (MOKO新世紀廣場)

营业中

休息中

今次食第二次，叫左二人餐，有汤或沙律，一个小食，一个主食，2个塔可，一个甜品连两杯饮品。佢个汤唔系红汤或白汤，而系大蒜薯仔汤，小食拣咗咖喱炸鸡软骨，咖喱鸡软骨都系第一次试，主菜拣咗软壳蟹意粉配蟹肉蕃茄忌廉汁，塔可拣左香葱拖罗蓉同鳗鱼玉子，甜品拣咗绿茶Tiramisu。薯仔汤- creamy ，有芝士同香草味，饮落好重薯仔蓉嘅味道。咖喱鸡软骨-粒粒都劲大粒，有咖哩味，用左咖喱粉，点埋个特制沙律酱，成个味好夹。软壳蟹意粉- 只软壳蟹好多蟹膏，唔会炸到好油腻，佢个意粉软硬适中，成个汁好creamy 好rich，好香蕃茄味同芝士味,啲汁配有碎蟹肉！鳗鱼玉子寿司塔可-佢系用一个天妇罗嘅紫菜包住寿司饭，面配有3块鳗鱼，玉子同青瓜丝，食落口感特别，天妇罗紫菜唔油腻，鳗鱼够肥美同无骨，成个口感好清新，有个纸托垫住食，食落好有仪式感。香葱拖罗蓉牛油果塔可- 劲多拖罗蓉，好新鲜，葱味好出，主要食拖罗为主，塔可好特色。京都宇治抹茶Tiramisu - Tiramisu 入面配有糖渍红豆，抹茶味唔算浓，有清酒可以唧入去Tiramisu食，唔浓酒味又出奇地夹。