龍媽媽糕點

营业中

休息中

年近岁晚又系时候团年，一家人开开心心食饭，又点可以缺少甜品，经过呢间中式糕点舖，糕点精美之余，亦啱老人家食，就一于买返去团年啦。餐厅有好多款糕点选择，全部都系自家制，$20三件可以自由配搭，仲有依家好难揾到嘅「菲林卷」。六件糕点拣咗四款，拣咗红豆糕、椰汁桂花糕、椰汁班兰千层糕同芝麻糕，可惜最想食嘅眉豆糕已经卖晒，四款当中最喜欢椰汁班兰千层糕，班兰味好香，同椰汁香味相辅相成；椰汁桂花糕椰汁味香浓，桂花味好清新，长辈们最喜欢；红豆糕相当足料，粒粒红豆非常有咬口。3.6牛乳芝麻糕 :卖相好靓，黑白层次分明，入口芝麻味香浓，亦都食到淡淡嘅牛奶味。砵仔糕 :有好多红豆，口感烟韧弹牙，味道唔太甜，微微加热之后更加好味。椰汁西米紫米露 :糖水中最爱紫米露，入口好香滑，紫米及西米都烟韧有咬口，值得一赞嘅系餐厅会畀额外嘅椰奶，加咗之后入口更香。