大澳德發 (已結業)

我真系好钟意食茶餐厅同小菜啊🤤贪佢新鲜又够获气！上网见呢间餐厅好多正评，一于放工搭叮叮去试下。一睇menu发觉价钱比想像中平，平均每个小菜一百头就有交易，但又唔会将货就价，实在要encore!油盐水浸北寄贝大约有8只，每只都手掌心咁大，超肥美，劲新鲜！个粉丝底吸收左北寄贝既鲜甜，又有汤底既精华，简直惊为天人。另外仲可以将北寄贝换做黄金蚬，同样值得一试😍冰镇咕噜肉呢个系徳发嘅拿手名菜之一,钟意食咕噜肉嘅朋友一定要试吓!咕噜肉嘅份量好多非常之抵食。佢个汁煮酸酸甜甜好开胃，加上佢有摆冰系咕噜肉既上面，令外皮迅速降温，达到好脆皮既效果西兰花炒金莎带子带子切薄片然后沾上炸粉及咸蛋王碎，好香口！相信味道对于有食开咸蛋王炸物既你地并唔感到陌生！带子份量好多，两个人食比较漏，所以配埋西兰花好夹，一黎有绿色蔬菜成碟𩠌颜色好睇左，二黎可以中和油腻感。必食！金砖脆豆腐拼炸墨鱼饼原本想点炸墨鱼嘴，但卖晒😭所以都想点返一样炸物，就拣左炸豆腐粒拼墨鱼饼。唔好睇炸豆腐好似好简单，呢味绝对食得出餐厅水准，炸豆腐好容易大湿而fail! 但呢度既炸豆腐粒粒分明，干身，面头既炸浆仲有芝蔴，绝不马虎，外脆内软！而墨鱼饼就超！