尚興潮州海鮮飯店 (已結業)

闻名不如嚟食，终于约到一班人一齐食正宗潮州菜！究竟同一般打冷有咩分别呢？答案自己睇图片😏❣️鹅肠拼鹅片，好足份量，啲鹅肠好入味，鹅片肥瘦适中，正！❣️冻蟹❣️蚝饼，够香口，多蚝有蛋味，无乜浆我钟意 ❣️大地鱼炒芥兰，有镬气 。❣️椒盐九肚鱼，唔多炸粉，好香口，冇乜细骨 。❣️蚝仔粥，啖啖蚝啲蚝仔都算大粒！❣️潮州腌蟹，潮州版酱油蟹，真系呢度先食到，唔腥唔臭，同韩国有得媲美 。❣️虾枣蟹枣❣️绿豆爽❣️反沙芋，潮州名物，好少地方整得咁正宗好食 。今次呢餐饭，喺特别欢送两个将会移民嘅朋友，所以去呢一间正宗潮州菜，都算好有纪念价值，希望佢哋一路顺风，相信佢哋一定会会好挂住香港啲嘢食 。