阿鴻小吃 (已搬遷) 新店位置

阿鸿小吃，十几年前细细个喺北角已经成日帮衬佢，𠮶阵时最钟意佢啲卤水野同埋𠮶碟免费嘅咸酸菜，不过自从佢搬走左之后都冇再食过。咁啱同朋友揸车经过观塘，见到个招牌即刻谂住落去重拾旧欢，好在附近泊车又几方便。讲返菜色方面，阿鸿最强都系做卤水野，唔系一般市面上嘅可以比拟 － 佢用了好足，尤其是系𠮶啲陈皮味同八角味好出。佢经典菜式系卤水鹅片，不过我个人就比较钟意食佢嘅卤水猪腩肉，肥得来又爽口，加埋啲卤水味完全入晒去，食落特别开胃。另外值得一提嘅菜式系南乳粗斋，又系超入味，差不多剩返啲汁都想捞埋！除咗嘢食之外佢嘅汤水同糖水都非常唔错，尤其是而家系秋天最适合整返碗蛋花腐竹糖水滋润吓，价钱超值都系廿零蚊一碗。整体来说，阿鸿小吃系一间保有传统风味，而且价格合理嘅精品小店，绝对地值得一试！