大公雞 (已結業)

台湾菜好盛行，差唔多好似一有台湾餐厅就会排大队咁样，以致好多餐厅都巧立名目，系唔系都用台湾菜来作招牌，但其实食嘅唔系台湾煮法。我今日就去咗呢间「大公鸡」，食咗一餐伪台菜。入到餐厅，见到间餐厅除咗职员之外都冇客就知道有啲问题。皮蛋豆腐，台式嘅皮蛋豆腐通常会落酱油膏，但系呢一间嘅竟然用咗胡麻酱，而且个胡麻酱系"稀-nel-nel"嘅，完全唔系𠮶回事。台式四宝饭，四宝就系牛筋，牛展，牛肚，大肠，啲肉都卤得够入味，但系呢种卤水味唔系台式嘅卤水味，反而系潮州色嘅卤水味。咁样就系潮州菜！而唔系台湾菜！士林半筋半腩面，牛肉同牛筋都够淋够入味，不过真系咸到一个点，而且都唔系台湾嘅味道，仲有个面真系煮得过淋。(我唔系饮食达人，不过我曾经喺台湾住过一年，唔好呃我)脆炸大肠，完全系港式大排档嘅味道，不过都唔够脆亦唔够香口，完全唔好食。果然，真伪-台湾菜馆。