牧羊少年咖啡館 (已結業)

平日无咩书卷味嘅我，上网见到个餐厅名就想去试，'牧羊少年'又似书名又似戏名令人多一种思考，去到门口见到好多书本包围住间餐厅，令平日唔睇书嘅我都忍唔住攞上手睇睇坐底后有一种令人relax嘅感觉，唔会好似平日D餐厅咁赶住落单赶住做第2枱客慢活嘅感觉。2个人叫咗个卡邦尼长通粉，味道唔错够香但汁又唔会杰挞挞通粉个硬度刚刚好，一个黑椒蜜糖牛柳粒，就算个牛熟洒都唔会韧，加埋面淋咗蜜糖甜甜地都几好味，再叫咗个蜜糖鸡翼，依个蜜糖系同埋鸡翼系个锅到兜嘅，因为咬个鸡翼个阵个蜜糖系脆脆地，配碟嘅沙律菜都好新鲜。再每人叫咗杯嘢饮，一杯普通嘅冻柠茶嚟度佢哋把柠檬摆到好似花咁好靓呀，再拣咗杯热摩卡，面嘅cream系冻嘅，第一啖饮落去面就冻冻地但个咖啡又热有一种惊喜，朱古力味够浓又饮到咖啡味。