Showcase by Bread n Butter (已結業)

行完PMQ 想坐低食个tea. 走左入呢间SHOWCASE cafe 食啲野饮杯, high 个tea 扮下有生活品味啦。 环境黎讲，呢度的确好靓，室外area 好靓有feel. 天花铺左假树叶，有吊扇吹住好舒服。 四座卡位一边系两张雀笼造型既高凳，一边系一张非常阔落既梳化。两张凳都好软好舒服，但高度就差啲。高个两张凳太高，梳化又太矮，倾计同食野都好辛苦，坐得耐腰有啲唔舒服，尤其凳太软。食物黎讲，叫左一个tea set 同一份花生酱pancake, ，total 6杯野饮。个tea set就几好食既，但唔系特别出色。一个三层既甜品塔，有4款甜品，一份ham and cheese pancake, 一份油醋沙律。个花生酱pancake 伴云呢拿雪糕好好食，唔算太甜 ，花生酱份量同稀稠度刚刚好。饮品黎讲，我地成枱叫左iced coffee 同iced chocolate. Coffee个样好靓，但非常非常甜！太多糖水好难饮。Chocolate 就一啲都唔甜，好香浓朱古力味。我自己唔中意饮甜野所以杯朱古力我好中意。但系...价钱真系好贵，400几蚊，而且我觉得贵得唔值。