BBQ 7080yo (已結業)

话说今日同女朋友去登到太子金都商场睇结婚用品，睇完肚饿仔等着食夜晚黑咁，今晚女朋友话想学韩妹讲下韩文咪陪佢去揾韩烧食啰！揾吓揾吓就揾咗间7080 Yo食韩烧。呢间7080yo喺街铺黎嘅！见佢哋舖面地方是四四正正干干净净，咪去食下啰！点知原来有惊喜！里面嘅装修有传统韩式风味不在话下连侍应都有阿猪妈喺度！餐牌嘢食多元化，有海鲜牛猪肉羊肉你谂到嘅都有！咁我哋真系乜都叫啲黎食啦⋯⋯原本想嘅，但系因为得两丁友，系食得嘅嘢唔多，所以最后都系叫左啲牛肉粒同五花篮肉慢慢叹！呢度最正嘅就系一开波俾咗好多前菜你！最紧要嘅系有一碟凉拌豆腐！个凉拌豆腐加埋佢嘅秘制酱汁简直是一字棒！从呢度个餐牌我哋睇到佢郁嘅种类好多价钱都系＄120左右丰俭由人！钟意食牛有牛既唔同位置、钟意食猪又有唔同既猪位俾你拣！总之你想食嘅部位都有！最最正嘅系呢度嘅海鲜都非常新鲜！不过女朋友唔食得，所以唯有今日罢食海鲜！呢度嘅烧猪皮系厚切大大块大概15至20 cm乘15至10 cm！烧得唔好唔紧要，职员会帮你烧埋！仲烧得好好食添！