影片
更多
2009-10-03
9 浏览
又是歌赋街一带, 之前食过lunch 唔错, 今晚试下佢o既晚餐, 打开餐牌, 一d 都唔贵㖞. 我叫咗个白松露鸭肝天使面, 男朋友叫咗个黑松露大虾意大利饭, 加45蚊就有个set连前菜沙律, 餐汤, 面包同餐饮. 个沙律好大份, 有几片鸡, 不过d菜有d老, 伯伯仲比咗一樽呀麻子我哋落沙律, 不过无乜味o既. 我要咗个杂菜汤, 好多菜, 男朋友个甘笋忌廉汤, 无乜评价, 只系一般般. 伯伯又比咗另一樽叫螺旋澡o既粉状物体比我哋落汤, 不过又系无乜味, 但系听人讲好有益. 但系个香草蒜蓉包几好味㖞, 又大条. 到个主菜, 又系好大份, 件鸭肝o既份量都几有睇头, 比起鹅肝就无咁油腻, 但系仍然够香脆. 不过我个白松露变咗黑松露酱. 男朋友o既主菜有两只大虾, 意大利饭就太淋, 硬返少少会正中d, 芝士够多而不腻, 不过咁o既价钱, 都算几抵.
张贴
