海皇粥店 (美孚新邨)

营业中

休息中

真系唔讲唔知连海皇粥店都加入左打边炉既战团，仲要有唔同SET同汤底拣！我地2个人所以就要左个双份豚肉同双份牛肉，至于汤底就一个豆浆同一个南瓜粟米肉碎粥。其实佢一拎上黎既时候觉得伏伏地，因为个南瓜粟米肉碎粥底劲稀，同我地想像中既完全唔同，不过都决定一试！Ｄ配料都几多既，有饺子（我觉得几好食，个饺子都几大个），3粒丸（都几大粒，不过不失），仲有豆腐呀，菜呀咁，都几多配菜。D豚肉同牛肉都叫可以既，但系佢唔知系唔系岩岩系雪柜拎出黎，Ｄ肉系一旧野咁，系分唔开既，搞到我地要等Ｄ肉解冻！不过Ｄ肉质系可以既，唔会好硬，算系咁啦！讲番个汤底，唔够味，一开始食既时候冇咩特别味，好似食紧清汤！所以之后我地决定自己搞搞个汤底。我地系个南瓜粟米肉碎粥到落左胡椒粉，食落好好多既，有番Ｄ南瓜味同有Ｄ胡椒味，好好多！至于个豆浆底，我地真系唔知边到黎既勇气加左糖！冇错，系加糖！但点知加左糖之后系会香好多架！Ｄ豆浆味系会出好多架！