云手工火鍋店

营业中

休息中

喺OpenRice见到佢做紧优惠，两个人消费每人$200以上，就送一个火锅汤底，要三百几蚊一个煲。呢个优惠劲抵，所以就同朋友嚟。$328 火焰沙白蟹煲店员会上咗煲底之后，帮我哋翻炒，加入酒，点火，成件事劲好睇。最后加入汤底滚起就可以饮得个汤。我平时唔系太钟意食芫荽嘅，就拣咗落少少芫荽，成个汤底都好鲜甜，带有白胡椒味。天气冻咗，饮返一碗即刻暖晒。蚬肉每只都胀卜卜，鲜甜，冇沙劲抵赞。唔好睇只鞋细细地，都有好多蟹膏，鲜甜，蟹肉都结实。$118 新鲜鹅肠鹅肠唔会太肥，啱啱好。每一条都好爽口弹牙唔会有怪味。卖相都好精致。$68 香煎鹅肝墨鱼丸第一次食到鹅肝丸，感觉好新奇，味道都好食。墨鱼丸弹牙，食到有墨鱼粒，咬开之后，入边有鹅肝粒，估唔到两者可以咁夹。$68 自家制黑松露蟹肉饺都系第一次食。水饺皮唔会太厚，一咬开黑松露味就涌出嚟，而且食到蟹肉丝。好有水准。$48 稻庭乌冬系真稻庭乌冬，平时喺出边试过食到唔系稻庭乌冬，而且系成个乌冬，唔系得一半。$18 忌廉$18 可乐冇谂过喺酒店入边都食到咁高水准嘅火锅，而且而家仲要做紧优惠，非常之惊喜。