Espresso Alchemy

营业中

休息中

餐厅以木系同云石为主调，既优雅又有文青风，非常适合朋友相聚。同一般餐厅唔同系首先自助到收银处付款点餐，未有赶急嘅用餐时限，可以尽情享受下午时光。 开放式厨房感觉较高级同衞生。🍝黑松露蘑菇意粉 $118香浓黑松露扑鼻而来，配以新鲜蘑菇，软硬适中嘅意粉沾满口感细腻嘅忌廉，不带饱滞感。🥗烟三文鱼吐司配沙律菜 $75外脆内软嘅法包铺满薯仔蛋沙律同蕃茄 ,清新开胃。烟三文鱼卷曲成花朵，️非常适合打卡。性价比挺高。🍰意式芝士饼 Tiramisu （$49）做法比较正宗，与平时食开嘅非常唔同。口感较为湿润,入口即溶。而且，甜度偏低，甜中带苦，除咗咖啡，估唔到酒味亦非常突出。🍫Iced Mint Chocolate $43虽然店舖以咖啡闻名，但朱古力都系佳品。簿荷叶除了装饰点缀，亦能提炼出自然薄荷味道。整杯浓郁顺滑，真系贵精不贵多。另外，自创甜品——咖啡白朱古力西多士亦非常受欢迎，下次可以试下。