影片
更多
2021-03-28
126 浏览
今日有朋友带路，话天后有间好有艺术既fusion菜。之后网上见到啲食物都好吸引，每一道都好有心思咁摆放，所以大家一致决定食呢间。当我地入座既时候，店员将灯光较暗，即刻有种好chill可以放松既感觉~ 睇餐牌既时候，店员诚意拳拳咁推介流心咸蛋黄炒有机意大利粉配烤烧北海道带子，同埋新推出既香烧海陆海惊喜宝盒 ，我地就叫左呢两样再加几款冷热盘同甜品。๛ 鱼子酱海胆安格斯牛他他安格斯牛既牛味重，牛肉唔会打到好碎，保留到啲口感。配上超薄既多士几夹，作为开胃菜都唔错既选择~๛ 香脆天妇罗海鲜雪糕筒蚝有两只，鱿鱼圈比较多，底部有沙律菜，放系雪糕筒真系几特别~ 雪糕筒够厚又脆，就算沙律菜有酱都唔会令雪糕筒变淋~ ๛ 香烧焦糖鹅肝配黑松露蟹籽北海道带子厚切带子上面舖上黑松露蟹籽，视觉上几吸引，味觉上黑松露味几突出，有啲盖过左带子既甜味。鹅肝口感软腍，油脂味劲香浓。带子同鹅肝分开食系唔错既，但放埋一碟味道上有啲唔夹，同埋底下既多士太薄又唔够脆，不过诚意同创意加分! ๛ 香烧海陆海惊喜宝盒 (新推出‼️)所谓海陆空包括有海入面既海鲜类，同埋陆上既牛~ 不过天空就无喇~ 先讲下个"海"个部份，用宝盒去装住啲食物
当我地入座既时候，店员将灯光较暗，即刻有种好chill可以放松既感觉~
睇餐牌既时候，店员诚意拳拳咁推介流心咸蛋黄炒有机意大利粉配烤烧北海道带子，同埋新推出既香烧海陆海惊喜宝盒 ，我地就叫左呢两样再加几款冷热盘同甜品。
๛ 鱼子酱海胆安格斯牛他他安格斯牛既牛味重，牛肉唔会打到好碎，保留到啲口感。配上超薄既多士几夹，作为开胃菜都唔错既选择~
๛ 香脆天妇罗海鲜雪糕筒蚝有两只，鱿鱼圈比较多，底部有沙律菜，放系雪糕筒真系几特别~ 雪糕筒够厚又脆，就算沙律菜有酱都唔会令雪糕筒变淋~
๛ 香烧焦糖鹅肝配黑松露蟹籽北海道带子厚切带子上面舖上黑松露蟹籽，视觉上几吸引，味觉上黑松露味几突出，有啲盖过左带子既甜味。鹅肝口感软腍，油脂味劲香浓。带子同鹅肝分开食系唔错既，但放埋一碟味道上有啲唔夹，同埋底下既多士太薄又唔够脆，不过诚意同创意加分!
๛ 香烧海陆海惊喜宝盒 (新推出‼️)所谓海陆空包括有海入面既海鲜类，同埋陆上既牛~ 不过天空就无喇~
先讲下个"海"个部份，用宝盒去装住啲食物的确好有创意，有种海盗发现宝箱既感觉~ 一打开宝箱真系哗左一声，海鲜种类真心丰富，有原只波士顿龙虾、香烤鲜味鲍鱼，黄金焗生蚝，鲜甜北海道带子，另外仲有配菜包括原串新鲜车厘茄、烧香甜粟米，烧BB青椒仔。
龙虾肉结实弹牙，食得出新鲜既，有阵海水既咸味~ 鲍鱼煮得唔会过靱~ 特别要赞既系车厘茄，够多汁又唔会酸，一啖海鲜一粒茄既味道几夹~
到"陆"呢个份喇，其实都有"海"既成份，呢个香滑忌廉黄金虾配烤腹肉牛排既底部由两大条青椒承托住面，牛腹肉中间呈粉红色(唔记得低添)，肉质软腍无筋，加忌廉都已经好好味~ 忌廉黄金虾切到细细粒，肉质弹牙爽口，好钟意呢个虾粒，呢碟算系今餐最满意既一味~
๛ 流心咸蛋黄炒有机意大利粉配烤烧北海道带子
每次见到有咸蛋黄既食物就会只眼发光。咸蛋黄基本上煮到溶哂，意大利粉挂到咸蛋黄既汁，系好食既，冇令我失望~
๛ 抹茶提拉米苏用木盒装住既抹茶提拉米苏上面有个雪山图案，视觉上加分，可以打卡~ 味道方面，抹茶味香浓，忌廉又滑又creamy，甜度正常又唔会好漏。
张贴
