新森林焗之專門店 (已結業)

呢间食店师傅食过一次之后竟已经冇再黎过, 点解? 因为觉得一般, 如果大家有兴趣, 可以睇番师傅之前嘅食评! 不过早餐师傅就冇食过, 所以早一阵子师傅决定比个机会佢, 亦比个机会师傅自己, 睇下又得唔得........入到去都几多人㖞, 地方细细不过好彩有位, 一坐底即刻有咩好食先, 早餐款式同选择甚多, 而师傅最后拣左个汤面餐, 而汤面餐有多士, 肠仔煎蛋, 五香肉丁米粉同埋冻柠茶!等左一阵就有得食, 师傅第一啖就系食呢个多士, 多士用个篮放著, 卖相超靓, 入口够香而且脆口非常, 少少腍嘅感觉都冇, 正㖞; 再试下个肠仔煎蛋, 肠仔煎得香而唔油, 加上唔咸同埋师傅好耐冇食过, 所以感觉颇好; 而煎蛋系太阳蛋, 煎得好靓而且卖相吸引, 不错! 头两样比师傅嘅感觉真系不错! 到左五香肉丁米粉, 卖相反而一般, 成pat肉丁就咁摆喺碗米粉度, 真系唔知佢想点, 睇见都想呕, 师傅谂番转头都唔知点解放到入口? 而一放入口后发觉米粉本身几韧, 汤底又极少, 唔算好味; 而五香肉丁味道一般, 又冇咩特别, 相比下觉得冇头两样咁正, 即刻觉得大打折扣; 冻柠茶嘅柠檬够鲜, 但茶味一般, 可以