滿屋廚房 (已結業)

自从地铁开通左之后，黄埔真系多咗好多嘢食，好似我放咗工都会过黄埔食完饭先搭地铁返屋企。最近就发掘左一间新野，价钱唔贵，嘢食又唔错，坐得又舒服坐低考虑完食乜嘢之后，要自己行去counter买，店员之后会送上枱。适逢就快Halloween，我哋都叫咗个套餐再散叫小食。第一眼见到就好想试呢个新加坡肉骨茶，药材味唔太浓，排骨好淋够晒入味，仲有脆卜卜嘅油炸鬼，配白饭一流。第二个充满马来西亚风味嘅就系炸鸡排椰浆饭。鸡扒炸到皮脆肉嫩，最特别就系个饭有椰香味，食落好开胃东南亚风味拼盘，细细件份量唔会太大，我觉得最好食系蔗虾除咗嘢食饮品都有东南亚feel，龙眼冰够滋润。又唔会太甜仲叫咗个外型好cute, 味道好正嘅蛋挞，食完老公唔记得攞返个胶兜真系唔环保Halloween 餐个甜品确实几有气氛，特浓朱古力 tart 劲正, 士多啤梨慕士 yummy就算普通一件青柠蛋糕，卖相摆碟都好靓，下次 tea time 一于再嚟仲有好多特别嘅精品卖，啱晒 shopping 精的我。