泗益

营业中

休息中

去赤柱行街，当然要留意下有咩好食。。。之前睇报纸介绍过依度的伽央西多士，谂住去开就试下，但见到舖面好似大排档，已经有少少打退堂鼓，但男友话都嚟到，就等一阵试下。。。等左10分钟，终于有位，一坐底即系叫左一碗餐蛋面，伽央西多士，一支大樽装可乐，可乐吾使介绍啦，一定系支装好饮，等左一阵，先嚟个餐蛋面，卖相一啲都吾讨好，但食左一啖，真系吾错㖞，面够淋，又吾会好重味精，餐肉吾系得半片，而系一大片，煎蛋系半生熟，整体都吾错，之后就嚟伽央西多士，嚟到时候，系西多士上舖了一件大牛油，由于系热辣辣，牛油好快就溶，先试一件，哗，好好味，完全吾使落糖酱都好好味，西多士仲好软淋淋，吾似市面果啲好硬。食完之后真系好满足。。。而且好惊食吾番咁好味的西多士。。。至于服务，老实讲，大排档，吾好要求好好服务，但都好好礼貌，走时仲会叫你攞齐野，慢慢行，小心冲头等等，但佢哋系吾会用纸去帮你落单，所以有时都会漏单，要叫多几次先记得。但总活嚟讲都吾错，有机会真系要再入去试下。